Prezıdent Qasym-Jomart Toqaev Ulttyq bank tóraǵasy Erbolat Dosaevty qabyldady. Bul týraly Aqorda habarlady.

Ulttyq bank tóraǵasy memleket basshysyna qarjy naryǵynyń qazirgi ahýaly men bıylǵy qańtar-sáýir aılarynda júzege asyrylǵan aqsha-nesıe saıasatynyń qorytyndylary jóninde málimet berdi.

Sondaı-aq Erbolat Dosaev daǵdarysqa qarsy sharalardyń iske asyrylýy jáne ekonomıkalyq ósimdi qaıta qalpyna keltirý joldary týraly baıandady.

Prezıdent ulttyq bank tóraǵasyna jumyspen qamtý jol kartasyna bólingen qarjynyń tıimdi jumsalýyn qatań baqylaýǵa alýdy jáne onyń kózdelgen maqsatqa saı paıdalanylýyn qamtamasyz etýdiń mańyzdylyǵyn atap ótti.

Osy rette Memleket basshysy óndiris salasynda jańa jumys oryndaryn ashýdyń qajettiligin aıtty.

Kezdesý qorytyndysy boıynsha Qasym-Jomart Toqaev E. Dosaevqa birqatar naqty tapsyrma berdi.