Úkimet basshysy Óskemen qalasynyń jańa shaǵyn aýdanyndaǵy «Nurly jer» memlekettik baǵdarlamasy aıasynda salynyp jatqan áleýmettik turǵyn úı qurylysymen tanysty.

Munda jalpy aýdany 400 myń sharshy metrge jýyq 48 úı salý josparlanǵan. Oblys ortalyǵynda sońǵy jyldary birneshe shaqyn aýdandar qoldanysqa berilip, myńdaǵan otbasy baspanaly boldy. Qurylys qarqynyn oń baǵalaǵan Úkimet basshysy Semeı qalasyndaǵy Qaraǵaıly shaǵyn aýdanyndaǵy turǵyn úı qurylysymen de tanysty.

Qaraǵaıly shaǵyn aýdanynda búgingi kúni jalpy aýdany 111,965 myń sh. m. 20 úı paıdalanýǵa berildi. 2019 jyly jalpy aýdany 95,883 myń sharshy metr 1269 páter bolatyn 18 úıdiń qurylysy bastaldy.

Asqar Mamın shaǵyn aýdanda salynyp jatqan segiz úıdiń qurylys barysymen tanysty.

Jalpy, oblysta 2020 jyly barlyq qarjylandyrý kózderinen 118 kóp páterli turǵyn úıdiń qurylysy josparlanǵan.