AQSH prezıdenti Donald Tramp jyl sońyna deıin koronavırýsty emdep jazatyn vaksınanyń daıyn bolatynyn málimdep, ony tegin etýdi qarastyryp jatqanyn aıtty. Bul týraly Qamshy tilshisi The Independent-ke silteme jasap habarlaıdy.

Jýrnalıserdiń "vaksınalar tegin bola ma?" degen suraǵyna AQSH prezıdenti Aq úıden Kemp Devıdke ketip bara jatqanda "biz ony qarastyryp jatyrmyz" dedi.

– Biz vaksınalar boıynsha úlken jetistikterge jetýdemiz. Biz jaqyn arada osy jaıly sóılesemiz ári Kemp Devıdte óte jaqsy kezdesýler ótkizetin bolamyz dep oılaımyn,–dedi Tramp.

AQSH prezıdenti taǵy "vaksına daıyn bolǵan kezde, ony amerıkalyqtarǵa tezirek taratýǵa kómektesetin barlyq ushaqtardy, júk mashınalary men áskerı qyzmetshilerdi AQSH úkimeti ornalastyrady" dedi.