QR Premer-Mınıstri Asqar Mamın Qarjy mınıstrliginiń ujymyna jańa mınıstr Erulan Jamaýbaevty tanystyrdy. 

Úkimet basshysy Qarjy mınıstrliginiń aldyna eldegi qarjylyq turaqtylyqty qamtamasyz etý, búdjet shyǵyndaryn ońtaılandyrý, búdjettiń atqarylýy, kedendik jáne salyqtyq ákimshiliktiń tıimdiligin arttyrý boıynsha mańyzy úlken mindetter qoıylyp otyrǵanyn atap ótti. 

A. Mamın E. Jamaýbaevtyń qarjy-bank salasyndaǵy zor eńbek tájirıbesi jańa mınıstrge qoıylǵan mindetterdi tabysty sheshýge múmkindik beredi degen senim bildirdi.

Erulan Jamaýbaev 1974 jyly 25 naýryzda Almaty oblysynda týǵan.

Bilimi joǵary, 1995 jyly Qazaq memlekettik basqarý akademıasyn, «Qarjy jáne kredıt», 2009 jyly Qazaq ekonomıkalyq ýnıversıtetin bitirgen, «İskerlik ákimshilendirý magıstri».

Eńbek joly:

1996-1998 jyldary – Qazaq memlekettik basqarý akademıasynyń oqytýshysy.

1998-2006 jyldary – Qazaqstan Respýblıkasy Ulttyq banki Zertteýler jáne statısıka departamenti jetekshi sarapshysy, bas sarapshysy, bas maman-sarapshysy, basqarma bastyǵy, dırektor orynbasary;

2006-2014 jyldary – Qazaqstan Respýblıkasy Ulttyq bankiniń Úılestirý departamentiniń dırektory.

2014-2015 jyldary – «Qazaqstannyń turǵyn úı qurylys banki» AQ-nyń basqarýshy dırektory.

2015 jylǵy shilde men qarasha aralyǵynda – Qazaqstan Respýblıkasynyń Prezıdenti Ákimshiliginiń Áleýmettik-ekonomıkalyq monıtorıń bólimi meńgerýshisiniń orynbasary.

2015 jylǵy qarasha men 2018 jylǵy qarasha aralyǵynda – Qazaqstan Respýblıkasynyń Prezıdenti Ákimshiliginiń Áleýmettik-ekonomıkalyq monıtorıń bóliminiń meńgerýshisi.

2018 jylǵy qarasha men 2019 jylǵy naýryz aralyǵynda Qazaqstan Respýblıkasy Prezıdentiniń kómekshisi.

Qazaqstan Respýblıkasy Prezıdentiniń 2019 jylǵy 22 naýryzdaǵy № 7 ókimimen Qazaqstan Respýblıkasy Qarjy mınıstrliginiń Jaýapty hatshysy bolyp taǵaıyndalǵan.

Keshe eks-qarjy mınıstri Álıhan Smaıylov QR Premer-Mınıstriniń birinshi orynbasary bolyp taǵaıyndalǵan.