Reseı aspanynda belgisiz jaryq zat paıda boldy. "Túngi aspanda jarqyraǵan ǵaryshtan kelgen qonaq orystardy úreılendirdi" dep jazdy brıtanıalyq The Sun gazeti. Bul týraly Qamshy tilshisi habarlaıdy. 

Sibir aspanynda ushyp bara jatqan jumbaq shar paıda bolǵan. Reseıdiń keminde 4 aımaǵynda túsirilgen vıdeolarda úlken jáne jaryq nysan kóringen. Kýágerler «túndi kúndiz etti» deıdi. 

Bir baıqaýshy: "Men bir gýil estidim, sodan keıin ıtter úre bastady. Men onyń ne ekenin túsinbedim" dese, taǵy bireýi: «Jarqyraǵan, aq jáne kók» degen.

Bir kýáger buryn-sońdy kórmegen jarqyraǵan zatty baıqaǵanyn aıtsa, al ekinshi bir adam: "jaryq aq túske ózgerip, sodan keıin jarylys boldy», - dedi.

Jaryq zat Krasnoıarsk, Týva, Hakasıa jáne Kemerovo aýmaqtarynyń aspanynda kóringen.

Keıbir mamandar olardyń Reseı zymyrany bolýy múmkindigin aıtady, sebebi meteorıttiń jerge qulaǵanyna dálelder joq.

– Bul qorshaǵan ortada jaǵylǵan meteor bolýy múmkin, – deıdi keıbir mamandar.