Partıa qurǵysy keletinin habarlap, ony "Sen" dep ataıtynyn málimdegen bıznes trener Ahmetbek Nursıla instagram paraqshasynda óziniń kemshilikterin tizip, ony ózgertýge kúsh salatynyn aıtty.
"Qoıylymdar aıaqtaldy, boldy. Keshirim suraımyn.
⠀
Ómirdegi eń qıyn sharýa qateligińdi moıyndaý ǵoı.
«Oıǵa tústim, tolǵandym. Óz minimdi qolǵa aldym» dep qatelikterimdi terim shyqtym:
⠀
1. Emosıaǵa boı aldyryp qoıamyn. Ózgertýge bolady.
2. Saıasatta tájirıbem az, aqyl tyńdamaımyn. Janashyrlarymnyń: «Erjanmen debatqa shyqpa, oqys qımyldar jasama» degen aqyldaryn tyńdamadym. Ózgertýge bolady.
3. Bıznes marketıńpen, saıası marketıńti shatastyryp alyppyn. Ózgertýge bolady.
4. Kóp sóıleıdi ekenmin. Ózgertýge bolady.
5. Taǵy qandaı kemshilikterim bar, aıtsańyzdar túzeımin.
⠀
Eń bastysy – «Nıet túzý». Elge qyzmet etemin. Halyq keshiredi, túsinedi dep senemin. İsime adal, bolamyn, jaman jaqtarymdy ózgertemin dep ýáde beremin", dep jazdy ol jelidegi paraqshasynda.
