Búgin senattyń jalpy otyrysynda «Qazaqstan Respýblıkasyndaǵy saılaý týraly» Konstıtýsıalyq zańyna tolyqtyrýlar engizý týraly» Konstıtýsıalyq zańy men «Saıası partıalar týraly» Zańyna ózgeris pen tolyqtyrýlar engizý týraly» Zańy qabyldandy, dep habarlaıdy QazAqparat.

Senat tóraǵasy Máýlen Áshimbaevtyń sózinshe, bul zań saıası partıalardy qurý men tirkeý talabyn edáýir jeńildetedi.

– Prezıdentimizdiń usynysymen búgin qabyldanyp otyrǵan zańdar eldiń saıası ómirinde erekshe mánge ıe. Saıası partıalardy qurý men tirkeý talaby edáýir jeńildetilip otyr. Partıalardy tirkeýdiń talaptyq shegi tómendetildi (20 myń qol). Qabyldanǵan zańdar kóppartıalyq júıeni odan ári nyǵaıtýǵa septigin tıgizetini sózsiz, – dedi M. Áshimbaev Senattyń jalpy otyrysynda.

Munymen qosa ol áıelder men jastarǵa elimizdiń qoǵamdyq-saıası ómirine belsene qatysýy úshin qosymsha múmkindik beriletinin atap ótti.

– Sondaı-aq partıalardyń saılaý tiziminde áıelder men jastar úshin 30 paıyzdyń mindetti kvota belgilendi. Ol áıel adamdardyń jáne jastarǵa elimizdiń qoǵamdyq-saıası ómirine belsene qatysýy úshin qosymsha múmkindik beredi. Mundaı ózgertýlerdi demokratıalyq damý jolyndaǵy naqty qadam dep qarastyrýymyz kerek. Olar saıası júıemizdi ary qaraı damytýǵa úles qosady dep senemiz,– dedi senat tóraǵasy.