Bul týraly qoǵamdyq komýnıkasıa ortalyǵynda ótken brıfıńte Mańǵystaý oblysy tótenshe jaǵdaı departamenti basshysynyń orynbasary Bekbolat Ábdiqadyrov málimdedi.

Mańǵystaý oblysynyń bas memlekettik sanıtarlyq dárigeriniń (07.05.20g. № 18-PGSV, 12.05.20g. №20-PGSV) Qaýlylaryna negizinde, eldegi tótenshe jaǵdaı rejımi joıylǵanyna qaramastan, karantın jáne shekteý sharalary rejımi 2020 jylǵy 25 mamyrdaǵy saǵat 07.00-ge deıin uzartyldy, al 12-25 mamyr aralyǵynda Mańǵystaý aýdanynyń Shetpe jáne Shaıyr aýyldary, Qaraqıa aýdanynyń Senek, Bostan jáne Qulandy aýyldary, Beıneý aýdanynyń Borankól jáne Beıneý aýyldary, sondaı-aq Jańaózen qalasynyń Qyzylsaı, Rahat jáne Teńge aýyldary úshin jeke sharalar engizildi.

Osyǵan oraı, Mańǵystaý oblysy Tótenshe jaǵdaılar departamenti (budan ári – Departament) turǵyndar arasynda koronavırýstyq ınfeksıanyń taralýyna jol bermeý boıynsha belsendi jáne keń aýqymdy úgit-profılaktıkalyq jumystaryn jalǵastyrýda.

TJ rejımin engizý bastalǵannan bastap (16 naýryzdan bastap) oblystyń qalalary men aýdandarynda kún saıyn ótkiziletin aldyn alý is-sharalaryna Departamenttiń 1 000 (1248) astam qyzmetkeri, 500 (505) ret daýys zoraıtqysh qondyrǵylary bar avtomobıl tartyldy.

Barlyq qyzmetkerlermen 51 eldi mekende, adam jınalýy múmkin obektilerge 5 000 (5831) astam reıdter, sondaı-aq densaýlyq saqtaý obektilerinde qyzmet kórsetýshi personalmen jáne medısına qyzmetkerlerimen 200 (226) ret nusqaýlar júrgizdi.

Aqtaý qalasynda kúnine tórt ret qulaqtandyrý júıesi boıynsha halyqty habardar etý júrgizildi. «ALMA TV» 15 televızıalyq arnasy táýligine 3 ret (saǵat 08.00, 18.00, 22.00) toqtatylyp, onda karantın kezinde azamattardyń ózin-ózi ustaý erejeleri kórsetiledi, osyǵan uqsas jaryqtandyrý basqa da BAQ-ta (TV–59 ret, radıo boıynsha-614 ret, baspa basylymdarynda–23, ınternet-resýrstarda-880 ret) júrgizildi.

Jańaózen qalasynyń qyzmetkerleri 28 sáýirden bastap jáne Beıneý aýdanynyń qyzmetkerleri 7 mamyrynan bastap Qaraqıa aýdanynyń Senek aýylynda (2 nysan) jáne Beıneý kentinde (4 nysan) ornalasqan 6 karantındik nysanda táýlik boıy kúzet is-sharalaryn júzege asyrý úshin polısıa organdaryna berilgenin atap ótken jón. Táýlik saıyn kúzet úshin jeke quramnan 9 adam tartylady, buǵan deıin jeke quramnan 35 adam tartyldy, 4 esege azaıǵany baıqalady.

Sondaı-aq, karantındik obektiler qysqardy, atap aıtqanda búgingi kúni 41 nysan baqylaýda tur, olar 3 sáýirden bastap 60-tan (63) asqan bolǵan, ol kezde Mańǵystaý aýdanynyń qyzmetkerler kúzet is-sharalaryn júzege asyrǵan, al búginge oraı olardyń sany azaıǵany baıqalady. KVI-dan turǵyndardyń qaýipsizdigin qamtamasyz etý boıynsha jumys jalǵasýda jáne aımaqtaǵy jaǵdaıdy tolyq rettep, turaqtandyrýǵa deıin jalǵasýda.