Bul týraly qoǵamdyq komýnıkasıa ortalyǵynda ótken brıfıńte Mańǵystaý oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń mindetin atqarýshy Jaısańgúl Dospolova málimdedi.

Elde jarıalanǵan tótenshe jaǵdaıǵa baılanysty eńbek jáne halyqty áleýmettik qorǵaý mınıstrligimen birlesip Mańǵystaý oblysynyń ákimdigi oblys boıynsha halyqty jumyspen qamtýǵa járdemdesýdiń keshendi josparyn jasaqtap, bekitti.

Bul keshendi jospar sheńberinde barlyǵy 17 320 adam qamtylady dep kútilýde.

Keshendi josparǵa saı iske asyrylatyn memlekettik baǵdarlamalar sheńberinde azamattardy qamtý kózdelip otyr.

Jumyspen qamtý sharalary boıynsha 8 067 adam turaqty jumys oryndarymen, 7 334 adam ýaqytsha jumys oryndarymen qamtylady. Sonymen qatar «Eńbek» memlekettik baǵdarlamasy sheńberinde qysqa merzimdi kásiptik oqýdy bitirgen 840 adam jumyspen qamtylsa, 624 adam shaǵyn nesıemen jáne 455 adam jańa bıznes-ıdeıalardy júzege asyrý úshin memlekettik granttarmen qamtylady.

Sonymen qatar, osy tótenshe jaǵdaıǵa baılanysty respýblıkalyq búdjetten qosymsha 1 556 adamdy qamtý úshin 585 mln. teńge qarjy bólindi. Onyń ishinde:

- memlekettik grant – 180 adamǵa (95,4 mln. teńge);

- aqyly qoǵamdyq jumys – 1 000 adamǵa (340,0 mln. teńge);

- jastar tájirıbesi – 376 adamǵa (149,5 mln. teńge).

Barlyǵyn qosqanda osy keshendi jospar sheńberinde 18 876 adam qamtylady.

Jumyspen qamtýdyń jol kartasy

Tótenshe jaǵdaı rejımi kezeńinde Memleket basshysynyń tapsyrmasy boıynsha oblys turǵyndaryn jumyspen qamtý maqsatynda Jumyspen qamtýdyń jol kartasy jasaqtalyp, bekitildi.

Qabyldanǵan Jol kartasynyń negizgi maqsattary:

- jumyspen qamtýdy qamtamasyz etý jáne jumyssyzdyq deńgeıiniń ósýine jol bermeý;

- qosymsha jumys oryndaryn qurý jáne tabystyń bolýyn qamtamasyz etý;

- eldi mekenderdiń ınfraqurylymyn damytý úshin jaǵdaılar jasaý.

Oblysymyzda Jol kartany iske asyrýǵa 34 mlrd. teńge qarastyrylyp otyr. Jalpy alǵanda 144 joba qamtylady jáne 8 495 jańa jumys ornyn qurýǵa múmkindik beredi. Ol jobalardy júzege asyrý kezinde ýaqytsha jumyspen qamtýdy ǵana emes, turaqty jumys oryndaryn qurýǵa da múmkindik beredi.

Jol kartasy kelesi jumystar men nysandar túrleri boıynsha ınfraqurylymdyq jobalardy iske asyrýdy qarastyrady:

- áleýmettik–mádenı nysandary – 63 joba (8,6 mlrd. teńge). Bul jobalarda 2 829 jumys orny qurylady jáne 1 387 adamdy halyqty jumyspen qamtý ortalyqtary arqyly jumysqa ornalastyrylady;

- turǵyn úı-kommýnaldyq sharýashylyq nysandary – 37 joba (13,2 mlrd. teńge). Bul jobalarda 2 829 jumys orny qurylady jáne 1 414 adamdy halyqty jumyspen qamtý ortalyqtary arqyly jumysqa ornalastyrylady;

- ınjenerlik-kólik ınfraqurylymy nysandary – 30 joba (7,5 mlrd. teńge). Bul jobalarda 1 382 jumys orny qurylady jáne 792 adamdy halyqty jumyspen qamtý ortalyqtary arqyly jumysqa ornalastyrylady;

- eldi mekenderdi abattandyrý boıynsha – 13 joba (4,6 mlrd. teńge). Bul jobalarda 1 455 jumys orny qurylady jáne 753 adamdy halyqty jumyspen qamtý ortalyqtary arqyly jumysqa ornalastyrylady.

Jol kartasy sheńberindegi jobalarǵa qatysý úshin azamattar turǵylyqty jeri boıynsha halyqty jumyspen qamtý ortalyqtaryna júginýleri qajet.

Aqtaý qalasynda 49 joba, Jańaózen qalasynda 19 joba, Beıneý aýdanynda 12 joba, Qaraqıa aýdanynda 18 joba, Mańǵystaý aýdanynda 17 joba, Munaıly aýdanynda 9 joba jáne Túpqaraǵan aýdanynda 20 joba iske asyrylady dep josparlandy.

Búgingi kúni 144 jobanyń 142 jobasyna memlekettik satyp alý konkýrsy jarıalanyp, 130 joba boıynsha konkýrstyq prosedýralary aıaqtaldy.

«Qazirgi tańda, 80 joba boıynsha jumystar júrgizilip bastady. Bul jobalarǵa barlyǵy 3587 adam jumysqa ornalastyryldy, onyń ishinde 1346 adam halyqty jumyspen qamtý ortalyqtary arqyly», - deıdi J.Dospolova.