Bıyl Indýstrıalandyrý kartasy aıasynda 1 trln. teńge somaǵa 160 jobany iske asyryp, 17 myńnan astam turaqty jumys ornyn ashý josparlanǵan, dep habarlady ındýstrıa jáne ınfraqurylymdyq damý mınıstrligi.
Jumys oryndary taý-ken metalýrgıa kesheni, qurylys ındýstrıasy, hımıa ónerkásibi, mashına jasaý, munaı-gaz hımıasy, munaı óńdeý, farmasevtıka, agroónerkásiptik keshen, azyq-túlik óndirisi salalarynda qurylady dep kútilýde.
Jobalardyń basym bóligi Almaty (33 joba) jáne Aqtóbe (20 joba) oblystarynda iske asyrylady. Qarjylandyrý kólemi boıynsha Qaraǵandy (256,4 mlrd.teńge) jáne Almaty (230,2 mlrd. teńge) oblystary kósh bastap tur.
Otandyq kásipkerler bastamashy bolǵan barlyq jobalar bankterdiń menshikti jáne kredıttik resýrstary esebinen júzege asyrylady.
Jobalar 2020 jyldyń İİ jartyjyldyǵynda iske qosylady dep josparlanýda.
Pikir qaldyrý