Balabaqshalarda kezekshi toptar jumysyn bastady. Bul týraly qoǵamdyq komýnıkasıa ortalyǵynda ótken brıfıńte MO bilim basqarmasynyń basshysy Asqar Seıdalıev málimdedi.

Mańǵystaý oblysynyń Bas memlekettik sanıtarlyq dárigeriniń 07.05.2020 jylǵy qaýlysy negizinde, Bilim basqarmasy mektepke deıingi uıymdarda kezekshi toptar ashý týraly buıryǵyn shyǵardy.

Osyǵan baılanysty 13 mamyrdan bastap Aqtaý, Jańaózen qalalary men  Qaraqıa aýdanynyń Quryq jáne Jetibaı aýyldarynan barlyǵy 58 mektepke deıingi uıymdarda 87 kezekshi  top ashyldy.

Búgingi tańda atalǵan toptarda 865 bala (Aqtaý- 498, Jańaózen-281, Qaraqıa aýdany– 86), ıaǵnı barlyq balabaqsha kontıngentiniń 2,3 % (memlekettik-423, 1,6%, jekemenshik-442, 3,6 %)bar.

Barlyǵy 364 pedagog pen 685 tehnıkalyq qyzmetkerler shtattyq rejımde (medbıke, aspaz, kir jýýyshy jáne t.b) jumysqa shyqty.

Balabaqshalarda kúndelikti balalardy qabyldaý dene qyzýlaryn ólsheý arqyly taza aýda, ıaǵnı balabaqsha aýlasynda júrgiziledi jáne toptaǵy balalar sany 10-nan aspaıdy.

 Sondaı-aq, kúndelikti ylǵaldy tazalyq jumystary, zalalsyzdandyrý, jeldetý, dezınfeksıalyq jumystar talapqa saı júrgiziledi.