Endi merzimdi áskerı qyzmetke nemese áskerı jıyndarǵa shaqyrylýǵa jatatyn jumyskerlerdiń dárigerlik komısıadan ótý kezeńinde, jergilikti áskerı basqarý organdarynan shaqyrý qaǵazy bolǵan kezde - jumys orny (laýazymy), jumys orny boıynsha jalaqysy, al merzimdi áskerı qyzmetti ótkerý nemese áskerı jıyndar kezeńinde jumys orny (laýazymy) saqtalady. Bul týraly Shyǵys Qazaqstan óńirlik komýnıkasıalar qyzmetinde ótken brıfıń barysynda SHQO memlekettik eńbek ınspeksıasy basqarmasynyń basshysy Baqytbek Qızatov málim etti.

Brıfıń barysynda basqarma basshysy merzimdi áskerı qyzmetti ótkerý nemese áskerı jıyndar kezeńinde, jumys orny (laýazymy) saqtalǵan jumysker, áskerı qyzmetten shyǵarylýǵa nemese áskerı jıyndardyń aıaqtalýyna baılanysty áskerı bólimniń tizimderinen alyp tastalǵan kúnnen bastap, bir aıdan keshiktirmeı óziniń eńbek mindetterine kirisýge mindetti.

- Jumys  berýshi jumyskerdi jumystan zańsyz shettetken jaǵdaıda, jumyskerdiń jalaqysy, eńbekke ýakytsha jaramsyzdyǵy boıynsha áleýmettik járdemaqysy jáne Qazaqstan Respýblıkasynyń normatıvtik quqyqtyq aktilerinde, eńbek, ujymdyq sharttarda, jumys berýshiniń aktilerinde kózdelgen ózge de tólemderi saqtalady (buryn tek jalaqy saqtalǵan), - dedi Baqytbek Qızatov.

SHQO aqparat ortalyǵy