Qytaıda "jarǵanat áıel" degen atpen tanymal Ýhan vırýsologıa ınstıtýty dırektorynyń orynbasary Shı Chenlı ólimge soqtyratyn koronavırýs "aısbergtiń bir ushy" ǵana ekenin eskertti, dep habarlaıdy Qamshy tilshisi Fox News-ke silteme jasap. 

– Biz juqpaly aýrýdyń basqa jańa túrleriniń taralýyn boldyrmas úshin tabıǵattaǵy jabaıy janýarlar arqyly juǵatyn belgisiz vırýstar týraly aldyn ala bilýimiz kerek jáne erterek eskertýler jasaýymyz kerek, – dedi qytaılyq ǵalym dúısenbide CGTN-ge bergen suhbatynda.

– Eger biz [vırýstardy] zerttemesek, budan da iri taǵy bir indet bolýy múmkin, – dep eskertti Shı.

Koronavırýstardy zertteýmen uzaq jyldar boıy aınalysyp júrgen ol 2015 jyly atalǵan vırýstardyń bir túrden ekinshi túrge juǵatynyn rastaǵan.