Dúnıejúzilik densaýlyq saqtaý uıymy pandemıanyń ekinshi tolqyny jýyq arada bolýy múmkin ekenin eskertti. Bul týraly Qamshy tilshisi Reuters-ke silteme jasap habarlaıdy. 

Keshe Dúnıejúzilik densaýlyq saqtaý uıymynyń tótenshe jaǵdaılar jónindegi basshysy Maık Raıan onlaın-brıfıngte koronavırýstyń ekinshi tolqyny aldaǵy aılarda kóptegen elder úshin "shyndyqqa aınalýy múmkin" ekenin málimdedi. 

Doktor Raıan "Ekinshi tolqyn týraly aıtatyn bolsaq, ádette aýrýdyń alǵashqy tolqyny bolady, sodan birneshe aıdan keıin qaıtalanady. Biraq biz aýrýdyń kez kelgen ýaqytta órshýi múmkin ekenin bilýimiz kerek" dedi. 

– Adamdar koronavırýstyń taralýy tómendep bara jatqandyqtan, bári tómendeı beredi dep oılamaýy kerek. Keıbir elderde tipti alǵashqy tolqynnyń sharyqtaý shegi áli bolǵan joq, – dedi Raıan.