Brıtanıalyq The Express basylymy "Qytaı soǵysqa daıyndalyp jatyr" degen taqyryppen aqparat jarıalady, dep habarlaıdy Qamshy tilshisi.  

Brıtanıalyq basylymynyń jazýynsha, Qytaı basshysy Sı Szınpın Beıjińniń áskerı kúreske daıyndyqty kúsheıtip jatqanyn málimdegen. Koronavırýs daǵdarysy jáne Gonkongtaǵy jaǵdaıǵa baılanysty aıyptaýlar men shabýyldarǵa ushyraǵannan keıin Qytaı prezıdenti osylaı dep málimdedi. Sı Szınpın bul pikirdi parlamenttiń jyl saıynǵy sesıasy aıasynda Halyq-azattyq armıasy men Halyqtyq qarýly polısıa kúshteri delegasıasynyń jalpy otyrysyna qatysqan kezde aıtqan.

China Daily gazetiniń habarlaýynsha, Sı Szınpın óz áskerlerin qýatty áskerı, qorǵanys strategıasy men saıasatyn qoldaýǵa shaqyrǵan.

Ótken aptada Qytaı jyl saıynǵy áskerı shyǵyndar búdjetin 180 mıllıard dollarǵa deıin arttyratynyn málimdegen.

Qytaılyq memlekettik BAQ Sı Szınpınniń koronavırýspen kúresý kezinde  qarýly kúshterin ulǵaıtatynyn aıtqanyn habarlaǵan.