Bul jóninde qoǵamdyq komýnıkasıa ortalyǵynda ótken brıfıńte Mańǵystaý oblysynyń ákimi Serikbaı Trumov aıtty.

Barshańyzǵa málim, Qazaqstan Respýblıkasynyń Prezıdenti Qasym-Jomart Kemeluly Toqaevtyń qatysýymen ótken memlekettik komısıanyń otyrysynda tótenshe jaǵdaı rejıminiń toqtatylǵandyǵy jóninde habarlandy.

Alaıda, el aýmaǵynda tótenshe jaǵdaı rejımi aıaqtalǵanymen ahýalǵa baılanysty Mańǵystaý oblysynda karantın rejımi men shekteý sharalary  jalǵasýda.

Sonymen birge, óńirdegi aýdan, qalalardaǵy epıdemologıalyq jaǵdaıǵa baılanysty karantındik sharalardy kezeń-kezeńimen jeńildetý jumystary júrgizilip keledi. Kesheden bastap birqatar nysandardyń jumysyna ruqsat berildi.

Bul jeńildetý sharalary indettiń joıylǵandyǵyn bildirmeıdi. Halyqtyń, turǵyndardyń densaýlyǵyna áli de qaýip bar. Sondyqtan, kúndelikti ómirde saqtyq sharalaryn qatań ustanǵan jón. Ózderińizdiń, jaqyndaryńyzdyń densaýlyǵy eń aldymen, ózińizge baılanysty jáne ony barlyǵy jaýapkershilikpen sezinýi kerek.

Biraq, engizilgen shekteý sharalaryna salǵyrttyq tanytyp, sanıtarlyq talaptardy oryndamaı, salǵyrttyq tanytyp júrgen azamattar da bar. Bundaı azamattarǵa tıisti ákimshilik shara alynýy tıis.

Aqtaý, Jańaózen qalalary men Beıneý aýdanynda da karantın rejımi tolyǵymen alynǵan joq. Qazirgi tańda, birqatar kásipkerlik nysandardyń jumysyna ruqsat berilip, keıbir shekteýlerge ózgerister engizilgenimen, indetke qarsy sharalar qatań saqtalýy mindetti,-dedi S.Trumov.