Aýyldy aýyz sýmen qamtamasyz etý 87,7 paıyzǵa jetedi

Melis Seıdahmetov 08:07, 29 mamyr 2020

/image/2020/05/29/crop-65_21_551x836_c79cd4f0b03ece7d877a033f24494624_original.51636.jpg

Halyqty sapaly aýyz sýmen jáne sý burý qyzmetterimen qamtamasyz etý jónindegi jumystardy jalǵastyrý maqsatynda 2020-2025 jyldarǵa arnalǵan «Nurly jer» memlekettik baǵdarlamasy sheńberinde bıyl respýblıkalyq búdjetten 111,5 mlrd. teńge qarastyrylyp otyr. Ol qarajatqa 316 joba iske asyrylady, dep jazady Indýstrıa jáne ınfraqurylymdyq damý mınıstrliginiń saıty.

Nátıjesinde qalalarda halyqty aýyz sýmen qamtamasyz etý kórsetkishi 97,5% jetkiziledi.

"Bul – 10 mln-nan astam adam. Al aýyldyq jerlerde atalǵan kórsetkish 87,7% jetip, 6,84 mln adamdy qamtıdy. Sondaı-aq qalalarda aǵyndy sýlardy tazartýmen qamtý 74,9% quraıdy" delingen habarlamada.

Ótken jyly bul baǵytta 404 joba júzege asyrylyp, 4078 aýyl sýmen qamtylǵan.

Qazirgi ýaqytta el boıynsha aýyz sýǵa qoljetimdilik kórsetkishi – 92,6%.

Aýyldy aýyz sýmen qamtamasyz etý 87,7 paıyzǵa jetedi

Qatysty tegter :

Pikir qaldyrý

Qatysty Maqalalar