2020 jyldyń birinshi toqsanynda densaýlyq saqtaý salasyndaǵy qyzmetkerlerdiń ortasha aılyq jalaqysy 152,4 myń teńgeni qurady. Bul týraly ranking.kz habarlady.

Ótken jyldyń birinshi toqsanymen salystyrǵanda ósim 31,6 paıyzdy, naqty ósim, onyń ishinde ınflásıa 24,2 paıyzdy qurady. Anyqtama úshin: Qazaqstanda ortasha jalaqy jylyna 18,9 paıyzǵa, 200,3 myń teńgege deıin ósti. Satyp alý qabiletiniń naqty ósimi 12,2 paıyzdy qurady.

Prezıdenttiń medısına qyzmetkerleriniń jalaqysyn arttyrý tapsyrsyna sáıkes, 2023 jylǵa qaraı olardyń jalaqysy ortasha respýblıkalyq kórsetkishten 2,5 ese joǵary bolýǵa tıis.

Bul saladaǵy eń úlken jalaqyny tikeleı medısına qyzmetkerleri alady: Olardyń ishinde densaýlyq uıymdarynyń qyzmetkerleri 159 myń teńge alady, ósim – 35,4 paıyz. Stomatologıalyq jáne medısınalyq qyzmetpen aınalysatyndar 149,46 myń teńge alady, ósim – 27,9 paıyz; densaýlyq saqtaýdyń basqa qyzmetimen aınalysatyn qyzmetkerlerde – 153,6 myń teńge, ósim 22,3 paıyz.

Óńirler bólinisinde densaýlyq saqtaý jáne áleýmettik qyzmet kórsetý salasyndaǵy eń joǵary jalaqyny Nur-Sultan (208,1 myń teńge, ósim jylyna 24,8 paıyz), Almaty qalasy (167,2 myń teńge, ósim 23,5 paıyz) jáne Atyraý oblysy (157,85 myń teńge, ósim 25,9 paıyz) qyzmetkerleri alady. Eń az jalaqy Túrkistan oblysynyń qyzmetkerlerine tıesili: 134,8 myń teńge, buryn 96,8 myń teńge bolǵan.