Shetelde turyp jatqan qandastarymyz Aqtóbede bas qosty, dep habarlaıdy 24.kz saıtynan.Munda II halyqaralyq «Uly mura» baıqaýy ótti. Buǵan 9 elden óner delegasıasy keldi. Fransıa, Germanıa, Qytaı, Mońǵolıa jáne Reseıdegi qazaq dıasporasynyń ókilderi ónerlerin  ortaǵa saldy. Án men bıden shashý shashyp, qolóner buıymdarynyń kórmesin uıymdastyrdy. Eki kúnge sozylǵan shara sońynda sheteldegi qazaqtardyń mádenı murasyn saqtap, ony damytýǵa úles qosyp  júrgen jandar marapattaldy. Úzdik óner kórsetkenderge «Nur Otan» HDP qalalyq  fılıaly  alǵys hat tabys etti. Festıvál Aqtóbe qalasynda  byltyr da ótken bolatyn. Qazanǵap atyndaǵy  balalar óner mektebiniń muryndyq bolýymen bıyl da uıymdastyrylyp otyr. Jergilikti turǵyndar sheteldegi qolóner sheberleriniń týyndylary qoıylǵan kórmeni tamashalady. "Dúnıejúzi qazaqtarynyń qaýymdastyǵy álemniń 33 elinde óziniń mádenı ortalyǵymen qarym-qatynas  jasaıdy, sonymen qatar respýblıkanyń 8 olbysy men 2 qalasynda bólimshesi bar. Baıqaýǵa qazaq dıasporasy kóp turatyn  Qytaı,  Mońǵolıa, Reseı,  Ózbekstan, Qyrǵyzstan, Eýropa elderinen kelip qatysyp otyr, - dedi Dúnıejúzi qazaqtary qaýymdastyǵynyń bólim meńgerýshisi Botakóz Ýatqan.

"QazAqparat"