Almaty taýlarynda joǵalyp ketken týrıs Ásel Panarǵalıevanyń denesi tabyldy.

Qyzdyń denesi Úlken Almaty kóliniń qasyndaǵy Kosmostansıa aýmaǵynda tabylǵan. Qazirgi ýaqytta polısıa qyzdyń neden qaıtys bolǵanyn anyqtaý úshin sot-medısınalyq saraptama jumystaryn júrgizip jatyr.

Eske sala keteıik, 26 jastaǵy Ásel Panarǵalıevanyń joǵalyp ketkenine 6 aıdan astam ýaqyt ótti. Ol taý týrızmimen aınalysyp júrgen. 9 qarasha saǵat 13:00 shamasynda ol Úlken Almaty (Josaly) kólinde túsken fotosyn áleýmettik jelige jarıalaǵan. Odan keıin baılanysqa shyqpaǵan. Qyzdyń 9 qarasha kúni Kosmostansıa aýdanynda taýdan túsip kele jatqanyn adamdar kórgen.

Sonymen qatar Áseldiń ata-anasy tikushaqpen izdeý salyp, izdep tapqan adamǵa syıaqy beretinin habarlaǵan bolatyn. 

Sońǵy izdestirý jumystary 14 mamyrda qaıta bastalǵan. Qutqarýshylar Komýnalnık – BAO – Gaıısh – ǵarysh stansıasy – Úlken Almaty shyńymen júrgen.