Aıaýsyz soqqy jyǵylǵan Býrabaıdyń eks-ákimi Shyńǵysqan Temirbekov qaıtys boldy. Bul týraly Aqmola oblysynyń polısıa departamenti habarlady.

23 mamyrda áleýmettik jelide eks-ákimniń temirmen soqqyǵa jyǵylǵany týraly aqparat taraǵan bolatyn. Temirbekovtyń týystary úndeý jasap oqıǵanyń "Zelenyı bor" aýdanynda bolǵanyn aıtqan. 

"Temirbekovtiń densaýlyǵyna aýyr zaqym kelýine baılanysty bıyl 23 mamyrda QR Qylmystyq kodeksiniń 106-baby boıynsha sotqa deıingi tergeý bastaldy. 25 mamyrda kúdikti aıypty dep tanylyp, Býrabaı aýdanynyń ýaqytsha ustaý ızolátoryna qamaldy. 27 mamyrda Býrabaı aýdandyq soty kúdiktige qatysty úı qamaýyna alý týraly sheshim shyǵardy" delingen habarlamada.

Aqmola oblysynyń polısıa departamenti qaıtys bolǵan er adamnyń Býrabaıdyń eks-ákimi bolǵanyn rastady.