Almaty qalasynyń Óńirlik komýnıkasıalar qyzmetiniń alańynda ótken onlaın brıfıń barysynda qalanyń memlekettik bas sanıtar dárigeri Jandarbek Bekshın qala turǵyndaryn blokbeketterdiń alynǵanyna qaramastan, sanıtarlyq-epıdemıologıalyq sharalardy ustanýǵa shaqyrdy.

Qala turǵyndary sanıtarlyq-epıdemıologıalyq talaptardy, maska taǵý rejımin jáne áleýmettik qashyqtyqty qatań saqtaýlary tıis. Kópshilik oryndarǵa barýdan saq bolýy qajet.

Búgingi tańda Almatyda koronavırýs ınfeksıasyn juqtyrýdyń 2 647 jaǵdaıy tirkelgen. Sonymen birge, onyń aıtýynsha, juqtyrýdyń 90 paıyzdan astamy aldyn ala test pen skrınıng júrgizý kezinde anyqtalady. Bir aptadaǵy kúndelikti ósim jekelegen kúnderi 1,7%-dan 4,8%-ǵa deıin quraǵan. Búginde 1627 adam aýrýdan aıyǵyp, úılerine shyqqan.

– Qaladaǵy toptar men barlyq osal kontıngentter únemi turaqty baqylaýda. Júıeli túrde skrınıngtik zertteý júrgizemiz. Qazirgi ýaqytta biz osyǵan deıin anyqtalǵan barlyq derlik iri oshaq ýchaskelerin joıdyq. Qaladaǵy jalpy jaǵdaı baqylaýmyzda. Biz karantın sharalarynyń – turǵyndardyń qalaǵa kirýi men shyǵýyna qatysty bir bóligin alyp tastadyq. Bizdiń kásiporyndarymyzdyń jáne birinshi kezekte, olardyń qyzmetkerleriniń barlyq shekteý sharalaryn qoldanǵan jaǵdaıda jumystaryn qaıta bastaýyna múmkindik berdik, – dedi J. Bekshın.