QR prezıdenti Qasym-Jomart Toqaev Komsomolskaıa pravda basylymyna bergen suhbatynda Qazaqstandaǵy ultaralyq kelisim týraly aıtty.

– Shyn máninde qazaqstandyqtar etnıkalyq tegine qaramastan, ózin bir halyq, bir ult retinde sezinedi. Qazaqstanda "ulttyq azshylyq" túsigini joq. Elde 3,5 mln orys turady jáne olardyń jalpy halyq sanyndaǵy úlesi 19 paıyzǵa teń. Bizdiń elde turyp jatqan orystar halqymyzdyń ajyramas bir bóligi, olar barlyq quqyqyn erkin qoldanady. Jýyrda sheteldik analıtıkalyq materıaldardyń birinen "Qazaqstandaǵy orys dıasporasy" degen tirkesti kózim shalyp qalyp, ózimizdiń ıdeologtar men analıtıkterge mundaı tirkesti qoldanýǵa esh bolmaıtynyn, bul shynaıy jaǵdaıǵa qaıshy ekenin eskerttim. Qazaqstannyń qalyptasýy men damýyna orys ultynyn qosqan úlesi mol. Ony umytýǵa bolmaıdy, – degen prezıdent Qazaqstan tarıhynda esimi altyn árippen jazylǵan orys ultynyń ókilderin atap ótti.