Almaty oblystyq ishki saıasat basqarmasynyń qoldaýymen «Halyk» qaıyrymdylyq qorynan bólingen gýmanıtarlyq kómek Kóksý aýdanynyń az qamtylǵan kómekke muqtaj jandarǵa taratyldy. Bul týraly Kóksý aýdany ákimdiginiń instagram paraqshaynda habarlandy.

Aýdan boıynsha kópbalaly, az qamtylǵan otbasylarǵa, tómengi zeınetaqy alatyndar men múgedek sanatyna jatqyzylǵan 100 otbasyǵa 3 qoraptan, jalpy 300 qorap azyq-túlik pen 500 lıtr kúnbaǵys maıy tabystaldy.

Berilgen jınaq quramynda un, makaron, ósimdik maıy, kúrish, qaraqumyq, qant, shaı men táttiler bar. «Halyk» qaıyrymdylyq qorynan kelgen azyq-túlik jınaǵyn, aýdan eriktileri meken-jaı boıynsha árbir otbasyǵa jetkizip berdi.

Aıta ketken jón, tótenshe jaǵdaı jarıalanǵaly Kóksý aýdany boıynsha jeke kásipkerlerdiń qoldaýymen 862 otbasyǵa 9 mln 500 myń teńgeden astam qarjyǵa áleýmettik azyq-túlik taratylǵan.