Qazaqstannyń tuńǵysh prezıdenti Nursultan Nazarbaevqa til tıgizdi delingen Qaraǵandy ​​turǵyny Arman Hasenovqa qatysty úkim shyqty, dep habarlady QazTAG.

– Keshirińiz, endi bulaı qaıtalamaımyn ... Elbasy Nursultan Nazarbaevtan keshirim suraımyn. Men jumys taýyp, qoǵamǵa paıdamdy tıgizýge ýáde beremin, – dedi A. Hasenov.

İs QR Qylmystyq Kodeksiniń 373-babynyń 2-bóligi boıynsha (kópshilik aldynda qorlaý jáne Tuńǵysh Prezıdenttiń ar-namysy men qadir-qasıetine qol suǵý) Qaraǵandy qalasynyń Qazybek bı aýdandyq sotynda qaraldy.

– Hasenov jasaǵan is-áreketine shyn júrekten ókinetinin aıtyp, óz kinásin tolyqtaı moıyndady, sot ony qoǵamnan oqshaýlamaı-aq túzetý jáne qaıta tárbıeleý múmkin dep sanaıdy. Hasenov Arman Qaıratuly QR QK 373-babynyń 2-bóligi boıynsha kináli dep taıýylyp, oǵan probasıalyq (synaq merzimi) baqylaý negizinde 3 jylǵa bas bostandyǵynan aıyrý jazasy taǵaıyndaldy, – dep úkim shyǵarǵan sýdıa Manat Jumaqaeva.

Eske salaıyq, 13 maýsymda Qazaqstannyń Ulttyq qaýipsizdik komıteti jelige mazmuny birjaqty rolık júktegen Qaraǵandy ​​turǵynynyń ustalǵany týraly habarlaǵan bolatyn.