Eýrazıa ulttyq ýnıversıtetiniń ǵalymy ári oqytýshysy Erlan Súleımenov jelidegi daýly málimdemesinen soń jumystan qýyldy. 

28 mamyrda Facebook qoldanýshysy Ásıa Ermuhambetova Ulttyq qoǵamdyq senim keńesiniń sońǵy otyrysyna tek er adamdar qatysqany týraly jazǵan. Bul jazbaǵa ýnıversıtet oqytýshysy da pikir bildirgen bolatyn. 

"Áıelder ómir boıy óz júktiligin zertteı almaı keledi. Qansha laıyq bolsa, sonshasy qatysyp otyr" dep jazǵan Erlan Súleımenov. 

Ózin ıslamıst dep ataǵan ol sondaı-aq jaqsha ishine "kóp áıel alýdy qoldaımyn, áıelderdi uryp-soǵýǵa bolady jáne keıde urý da kerek" dep jazǵan.

Oqytýshynyń bul sózderi jelide qyzý talqylanyp, aqyrynda ǵalym jumystan shyǵaryldy.

«Ýnıversıtet E. Súleımenovke qatysty tekserý jumystaryn qorytyndylady. Etıka jónindegi komısıa onyń is-áreketin jalpyadamzattyq ádep normalaryna saı kelmeıdi dep baǵalady. Atalǵan komısıa usynymymen E. Súleımenovpen eńbek kelisimshartyn buzý týraly rektor buıryǵy shyqty» dep jazdy EUÝ baspasóz qyzmeti.