Shyǵys Qazaqstan oblysynda qolǵa alynǵan «Bilikti maman» jobasynyń aıasynda óńirde shetelde bilim alǵysy keletin túlekterdiń sany azaıdy. Bul týraly SHQO aqparattyq ortalyǵynda ótken brıfıń barysynda bilim basqarmasynyń basshysy Saırangúl Jumadilova málim etti.
– Bıyl Óskemen men Semeı qalalaryndaǵy mektep túlekteriniń 394-i shetelde oqýǵa nıet bildirdi. Olardyń mundaı tańdaý jasaýyna otbasylarymen birge ózge elge qonys aýdarýlary sebep bolyp otyr, – dedi Saırangúl Jumadilova.
Rıdder, Kýrchatov qalalary men Shemonaıha, Altaı aýdandaryndaǵy mektep bitirýshi túlekterdiń shetelge ketýi burynǵy jyldarmen salystyrǵanda áldeqaıda kúrt azaıdy.
– Búginde túlekterdiń 40 paıyzdan astamy óńirimizdegi oqý oryndarynda bilim alýdy josparlap otyr. Qalǵandary elimizdiń ózge aımaqtarynda bilim almaq, – dedi Saırangúl Jumadilova.
SHQO aqparat ortalyǵy
Pikir qaldyrý