Shymkent qalasynyń polısıa qyzmetkerleri mıtıń ótetin oryndy qorshaýǵa alyp, eshqandaı uran kótermesten sol jaqqa qaraı bettegen 15 adamdy ustap alyp ketken, dep jazady Qamshy.kz aqparat agenttigi.

Turǵyndardyń birine arasha túspek bolǵan kásipodaq belsendisi bolyp júrgen Erlan Baltabaı da ustalǵan. Ustalǵan azamattardy Abaı, Ál-Farabı aýdandyq ishki ister bólimshesine alyp barǵan.

Sondaı-aq belsendi Murat Ashtaev jáne Nurlan Ábildaevpen qosyp birneshe adam ustalǵan.

Belsendilerdiń biri "Jer satylmasyn", "Shal, ket!" dep aıqaılady.

"Olardy nege ustap jatyrsyńdar?" degen aıaldamadaǵy azamattardy da polısıa qyzmetkerleri ustap alyp ketken.

Búgin, 6-maýsym kúni Shymkent qalasynan bólek Almaty men Nur-Sultan qalalarynda mıtıńke shyqqan birneshe adam ustaldy.

Oqı otyryńyz:

♦Almatyda mıtıńke shyqqandardy polısıa alyp ketti