Bul týraly MO qoǵamdyq komýnıkasıa ortalyǵynda ótken brıfngte MO dene shynyqtyrý jáne sport basqarmasy basshysynyń orynbasary Qanat Jumabaev aıtty.
«Biz birgemiz, biz úıdemiz!» atty aksıa aıasynda, oblysta 90-ǵa jýyq sport túrinen 700-den asa bapker óziniń jattyǵý jumystaryn onlaın rejımde jalǵastyrǵan. Atap aıtsaq, óńir turǵyndary arasynda «Kaspıı patshasy» atty shahmattan jarys, ıýtýb kanalynda onlaın rejımde ótkizilgen. Elimiz boıynsha alǵash ret bastaý alǵan týrnırge 300-den asa adam qatysqan. Onyń ishinde grosmeıster Bıbisara Asaýbaeva jáne óńirdiń eń myqty degen sportshylary baqtaryn synady.
Budan bólek, «otjım patı» jáne «prısed patı» jarysyna 400-ge jýyq adam qatysqan. Olar óz vıdeosyn whatsapp jelisi arqyly jiberip, qurylǵan komısıa ár vıdeony saralap, jeńimpaz ben júldegerlerdi anyqtady. Osy tusta karantın rejıminde úıde bolǵan ár azamat pen azamatshanyń sportqa degen yntasy artqany baıqalady.
Qazirgi tańda Aqtaý qalasynda salynyp jatqan «Boks» ortalyǵynyń qurylysy 90% aıaqtaldy. Jospar boıynsha tamyz aıynda qoldanysqa berilmek. Munda 6 sport túrimen aınalysýǵa múmkindik bolady. Olar: qazaq kúresi, boks, grek-rım kúresi, karate, taekvando jáne aýyr atletıka. Sport keshenniń syıymdylyǵy 20 myń m.kv, janynda 99 adamǵa arnalǵan qonaq úı bar. Júzý baseıni, basketbol, voleıbol, fýtbol stadıondary bar. Sonymen qatar, jumyspen qamtýdyń jol kartasy baǵdarlamasy aıasynda birneshe sport nysany jóndeýden ótkizilmek. Olardyń 3-eýi Aqtaý qalasynda, 1-eýi Jańaózen kalasynda, úsheýi Mańǵystaý aýdanynda.
-«Qyrkúıek aıynda biz Qazaqstan Respýblıkasy Tuńǵysh Prezıdentiniń – Elbasynyń testilerin ótkizýdi josparlap otyrmyz. Bul is-shara oblys dárejesinde osy jyldyń eń aýqymdy is-sharalardyń biri bolmaq. Oblys boıynsha barlyq turǵyndardy prezıdenttik testileýge shaqyramyn. Jeńimpazdar men júldegerler marapattalatyn bolady», dedi MO dene shynyqtyrý jáne sport basqarmasy basshysynyń orynbasary Qanat Jumabaev.