Mańǵystaý oblysynyń ákimi Serikbaı Trumov jumys saparymen Jańaózen qalasyna bardy. «Jumyspen qamtý jol kartasy» baǵdarlamasy aıasynda iske asyrylyp jatqan ınfraqurylymdyq jobalardyń sapasyn baqylap qalanyń abattandyrý jumystarymen tanysty.

Qaladaǵy Á.Tuıaqov atyndaǵy ortalyq stadıon 2008 jyly paıdalanýǵa berilgen. Sodan beri kúrdeli jóndeý jumystary júrgizilmegen. Bıyl atalǵan sport keshenine «Jumyspen qamtý jol kartasy» baǵdarlamasy aıasynda 200 mln teńge qarajat qarastyrylyp, stadıondaǵy 3000 oryndyq jańalanyp, halyqaralyq standartqa saı tósenish tóseledi. Keshenniń 1250 metr aýmaǵy tastan qashalǵan qorshaýmen qorshalady, aınalasyna 57 qýatty jaryqshamdar ornatylyp, jaryq dıodty shamdarmen jaryqtandyrylady jáne perımetri boıynsha 3900 sharshy metr júgirý joly salynady. Ortalyq stadıondaǵy jóndeý jumystary aıaqtalǵannan keıin obystyq «Kaspıı» fýtbol klýbynyń rezervtik alańy bolmaq. Onda halyqaralyq dárejede fýtbol oıyny ótkiziledi dep josparlanýda. Búginde qurylys alańynda «Jumyspen qamtý jol kartasy» baǵdarlama boıynsha 50 adam jumys jasaýda. Aıaqtalý merzimi aǵymdaǵy jyldyń qazan aıy. Aımaq basshysy jaýapty mamandarǵa sport alańynyń sapaly oryndalýyn tapsyrdy.
Sondaı –aq, S.Trumov Jańaózen qalasynyń ortalyq saıabaǵyn abattandyrý men «Jumyspen qamtý jol kartasy 2020» baǵdarlamasy aıasynda qalaishilik avtokólik joldarynyń ortasha jóndeý jumystarynyń josparymen tanysty. Búginde ortalyq saıabaqta sý burqaǵyn jóndeý jáne kishi arhıtektýralyq formalardy ornatý jumystary júrgizilýde. Al, qalaishilik 54 shaqyrym jol jóndelip, avtokólik tas jolyn salý jumystary júrgiziledi.
Sonymen qatar, óńir basshysy Jańaózen bilim ınovasıa lıseı ınternatynda bolyp, qurylys jumystarmen tanysty. Bilim ordasy 220 oqýshyǵa arnalǵan jáne 110 oryndyq jataqhanasy bar. Nysan aǵymdaǵy jyldyń tamyz aıynda tapsyrylady.
Budan bólek, aımaq basshysyna burynǵy týberkýlez aýrýhanasynyń ornyna jedel járdem bólimi ǵımaratyn salý boıynsha baıandama jasaldy. Qaıta qurylymdaý jobasy «Jumyspen qamtý jol kartasy» baǵdarlamasy aıasynda qaıta qarjylandyrýǵa usynylǵan. Joba júzege asatyn bolsa, Jańaózen qalasynan bólek, Qaraqıa aýdanyna qarasty Bostan, Senek, Qulandy aýyl turǵyndarynyń suranysy tolyqtaı oryndalyp, medısınalyq kómek ala alady.
Osydan keıin, S. Trumov Jańaózen qalasynyń turǵyndaryn aýyz sýmen qamtamasyz etip, káriz qyzmeti jáne qalanyń abattandyrý jumystarymen aınalysatyn «ÓzenInvest» memlekettik komýnaldyq kásipornyna bardy. Mekeme memlekettik avtomobıl joldaryn kútip ustaý, sporttyq-saýyqtyrý obektilerin, mádenıet jáne demalys saıabaqtaryn kútip ustaý, memlekettik menshiktegi sý sharýashylyǵy júıeleri men qurylys jaılaryn kútip-ustaý, paıdalaný, jóndeý jáne rekonstrýksıalaý, sondaı-aq olardyń qaýipsizdigin qamtamasyz etý qyzmetin atqarady. Búginde mekemede barlyǵy 641 adam jumys isteýde. Olardyń 350-i«Jumyspen qamtý jol kartasy» baǵdarlamasy boıynsha qabyldanǵan. Mekeme qalany keshendi damytý jospary negizinde 542 mln. teńgege abattandyrýǵa qajetti 39 tehnıkalar men qural jabdyqtar alýǵa tapsyrys bergen. Búginde shuńqyr qazatyn, jol jıekterin syzatyp, búldozer syndy 8 tehnıka alynǵan.
-Jańaózen qalasynda «Jumyspen qamtý jol kartasy» baǵdarlamasy boıynsha 39 joba iske asyp jatyr. Ol 3 mlrd qarajat. Oǵan jol qurylysy, áleýmettik nysandardyń jóndeý jumystary júrgiziledi. Búgingi aralaǵan nysandardyń barlyǵyna qarajattary bólinip, qujattar rásimdelýi aıaqtalǵan. Endigi bizdiń maqsat osy jumystardy sapaly aıaqtap, turǵyndardy jumysqa tartý. Budan bólek, Jańaózen qalasynda úkimetpen qabyldanǵan eleýmettik ekonomıkalyq jaǵdaıdy damytýǵa arnalǵan keshendi jospar bar. Osyǵan sáıkes qalada áleýmettik obektiler iske asyp jatyr. Jańaózen qalasynda jumyssyzdyq máselesi basty nazarda. Máseleniń oń sheshimin tabý úshin birqatar jobalar iske asyrylyp jatyr. Biz turǵyndardy jumyspen qamtý úshin Jumyspen qamtý jol kartasy» baǵdarlamasymen jáne shaǵyn jáne orta bıznesti qoldaýǵa arnalǵan jeńil nesıeler berý arqyly jańa jumys ornyn quramyz. Eger jastar Aqtaý qalasynda jumys jasaımyn dese jataqhanamen qamtamasyz etip, óndiristik mekemelerge tartýǵa bolady - dedi S.Trumov.