QR UQK-niń Pavlodar oblysy boıynsha departamenti jedel-izdestirý sharalary barysynda "gıdroponıka" ádisin qoldanyp esirtki ósimdikterin zańsyz ósirýmen aınalysqan pavlodarlyqty ustady.

"2020 jyldyń 25 mamyrynda jalǵa alynǵan garajda tıisti qural-jabdyqtarmen jabdyqtalǵan esirtki zerthanasynda qoldan ósirilgen "goland" jáne "meksıka" sorttarynyń 28 elıtalyq qarasora túbi tabyldy (naryqtyq quny shamamen 14 mln teńge), sondaı-aq satýǵa daıyndalǵan dárilik zattar da shyqty" deıdi vedomstvodaǵylar.

Atalǵan fakti QR Qylmystyq kodeksiniń 277-babynyń 3-bóligi, ıaǵnı "Esirtki , psıhotroptyq zattardy, olardyń balamasyn satý nemese ótkizý maqsatynda zańsyz daıyndaý, óńdeý, ıemdený, saqtaý, tasymaldaý" boıynsha sotqa deıingi biryńǵaı tizilimge tirkeldi.

Tárkilengen zattar boıynsha sot-hımıalyq saraptama taǵaıyndaldy. Sotqa deıingi tergeý jalǵasýda.