Eki polıseıdiń qazasyna soqtyrǵan blokbekettegi jol kólik oqıǵasyna kináli Azat Azamatov kólik apatynan 4 kún buryn ishki ister organynan shyǵyp ketken, dep habarlady Almaty qalasy polısıa departamentiniń baspasóz qyzmeti.

Kúdikti 2014 jyldyń 30 sáýirinen 2020 jyldyń 21 mamyry aralyǵynda patrúl polısıasynda polk ınspektory bolyp istegen. İshki ister bóliminen óz erki boıynsha ketken.

Azamatov qyzmet etken jyldary qyzmettik-áskerı tártipti buzǵany, jaýapkershilikti sezinbegeni úshin 4 eskertý alǵan. 

Polısıa departamentindegiler jol-kólik oqıǵasy kezinde ol mas kúıinde bolǵanyn rastady. Sot-narkologıalyq saraptama kúdikti aǵzasynan alkogóldik mastyqtyń ortasha deńgeıin anyqtaǵan.

Kúdikti 7 jyldan 10 jylǵa deıin bas bostandyǵynan aıyrylýy múmkin.