Amerıkadaǵy násilshildikke qarsy narazylyq bildirýshiler Vırdjınıa shtatyndaǵy Hrıstofor Kolýmbtyń músinin qulatyp, keıinirek ony órtep, kólge tastaǵan. Bul týraly Qamshy tilshisi The Guardian basylymyna silteme jasap habarlaıdy. 

Seısenbi túnde narazylyq bildirýshiler músindi alyp tastaý úshin birneshe arqandy qoldanǵan. Basylymnyń málimetinshe, músinge búrikkishpen «Kolýmb genosıdti beıneleıdi» degen jazý jazylǵan. Sherýshiler Boston qalasynyń Atlant kóshesindegi Kolýmbtyń taǵy bir músininiń basyn alyp tastaǵan. 

Kolýmb Amerıka qurlyǵyn tapqany úshin AQSH-ta oǵan birneshe jerde músin ornatylǵan. Alaıda sońǵy kezderde XV ǵasyrda Karıb araldary men Amerıka materıginde bolǵan óltirý, urlaý jáne tonaý derekterindegi Hrıstofor Kolýmbtyń róli týraly pikirtalastar jıi qozǵalýda.