Almaty ákimi Baqytjan Saǵyntaev «Atakent» QİQO aýmaǵynda koronavırýsty jedel ári naqtyly anyqtaıtyn modýldy zerthana kesheniniń ashylýyna qatysty.

B. Ótemuratovtyń Qory qalaǵa tegin bergen zerthanada jumyssyzdarǵa, az qamtylǵan jáne kópbalaly otbasy múshelerine, múmkindigi shekteýli adamdarǵa, stasıonarǵa josparly túrli jatqyzylǵan naýqastarǵa, tynys alý organdary, endokrındik jáne júrek-qantamyr júıesi aýrýlary burynnan bar ári baqylaýǵa alynǵan 50 jastan joǵary naýqastarǵa skrınıng tegin júrgiziledi. Sonymen qatar, munda epıdemıaǵa qarsy sharalady tekserýge qatysqan ákimdikter qyzmetkerleri, volonterler, belsendiler, patrúl qyzmetkerleri, qarttar úılerinde, ınternattarda jáne basqa da arnaıy mekemelerde turatyndar, mektep jasyna deıingi mekemeler qyzmetkerleri tekserýden ótedi.

– Keshendi jumys koronavırýsty jappaı juqtyrýǵa tosqaýyl bolyp, onyń órship ketpeýine jáne epıdemıologıalyq jaǵdaıdy baqylaýda ustaýǵa múmkindik beredi, – dep atap ótti Almaty ákimi Baqytjan Saǵyntaev jáne B. Ótemuratov pen onyń komandasynyń barlyq múshelerine COVID-19 qarsy kúreske qosqan úlesteri úshin alǵys bildirdi.

Zerthana PSR saraptamasynyń barlyq sıklyn júrgizý quraldarmen tolyq jabdyqtalǵan. Jalpy keshende joǵary tehnologıaly jáne bıologıalyq materıaldy alatyn, saqtaıtyn ári belgileıtin, PSR ádisi boıynsha zertteý júrgizetin joǵary tehnologıaly 42 qural-jabdyqtar ornatylǵan.

Zerthana qýaty óte joǵary, munda 5000 deıin basymdyq beretin kúnine 1000 saraptama jasalady. Qor zerthanany jedel túrde 30 myń test júrgizý úshin qajetti reagent quraldarmen tolyq qamtyǵan. Zerthanada jumys isteýge Ulttyq saraptama ortalyǵynyń 16 zertteýshisi tartylǵan, olar segiz adamnan bólinip, eki aýysymda jumys jasaıtyn bolady.

Jańa zerthana sany boıynsha jetinshi. Buǵan deıin Almatyda alty zerthana jumys jasady, olar: USO, ORZ, NPSSEEıM, MPKQ, QalalyqSPID, «Olımp» KDL. Sonymen qatar, eki jyljymaly qabyldaý pýnkti ashylǵan.