QR Bilim jáne ǵylym mınıstri Asqat Aımaǵambetov koronavırýsqa test tapsyrdy, dep habarlady vedomstvonyń baspasóz qyzmeti.

"Bilim jáne ǵylym mınıstri COVID-19 test tapsyryp, nátıjesi teris shyqty. Asqat Qanatuly bekitilgen erejelerge sáıkes, oqshaýlanyp, beınekonferensıa arqyly qashyqtan jumys isteıtin bolady", delingen mınıstrlik taratqan habarlamada.

Sondaı-aq, Jambyl oblysynyń ákimi Berdibek Saparbaevta  koronavırýsqa test tapsyryp, nátıjesi teris shyqty. Ákim qazirgi ýaqytta oqshaýlanyp, beınekonferensıa rejıminde jumysyn jalǵastyratyn bolady.

Eske sala keteıik, 12 maýsymda premer-mınıstr Asqar Mamın Jambyl oblysyna jumys saparymen baryp, qasynda densaýlyq saqtaý mınıstri Eljan Birtanov, Aımaǵambetov jáne Saparbaev erip júrgen bolatyn.

Aıta keteıik, 14 maýsymda E. Birtanov koronavırýs juqtyrǵanyn áleýmettik jelidegi paraqshasynda habarlap, juqpaly aýrýlar aýrýhanasyna jatqyzylǵan bolatyn.