SHQO ákimi Danıal Ahmetov Semeı qalasynyń kásipkerlerimen onlaın kezdesý ótkizdi. Basqosý barysynda oblystyń bas sanıtar dárigerimen birge qaladaǵy sanıtarlyq-epıdemıologıalyq jaǵdaıǵa baılanysty shekteý sharalaryn kúsheıtý týraly talqylandy. Barlyq usynys qoǵammen talqylanyp, kelisildi jáne búgin oblystyń bas dárigeriniń kezekti qaýlysy shyǵarylady.
Jıynda aımaq basshysy Semeı turǵyndaryna koronavırýstyq ınfeksıa týraly túsindirý jumystary álsiz júrgizilip jatqanyn aıtty. Danıal Ahmetov qaladaǵy sanıtarlyq-epıdemıologıalyq jaǵdaı jóninde halyqty kúndelikti aqparattandyrýdy jónge salýdy tapsyrdy.
Aıta keteıik, Shyǵys Qazaqstanda 12 maýsymǵa deıin 234 adamda koronavırýstyq belgiler anyqtalǵan. Olardyń deni Semeı qalasynan, atap aıtqanda 155 adam atalmysh vırýsty juqtyrǵan. Sońǵy on kúnniń ishinde 56 jaǵdaı tirkelgen. Sońǵy aptada oblystaǵy aýrdyń úlesi 4,1 paıyzdy qurap otyr.
Oblys boıynsha Semeıdegi epıdemıologıalyq jaǵdaı qıyn. Aýrýdyń qortyndysy boıynsha 70% Semeıde tirkelgen. Munda kóp jaǵdaı bir oshaqtan tirkelýde. Oblystyń bas sanıtar dárigeri Marat Ismaılovtyń aıtýynsha, 27 úı jaǵdaıynda 82 adam aýyrǵan. Onyń ishinde 12 adam bir oshaqtan. 4 jaǵdaı bes oshaqta tirkelgen. 3 jaǵdaı 6 oshaqta, 2 jaǵdaı 16 oshaqta tirkelgen.
Vırýsty taratýshylar arasynda eshqandaı aýrý belgisi baıqalmaı, naýqastanǵandar da kóbeıýde. Olardyń mundaı dertke shaldyqqandary ózge adamdarmen baılanysqanda anyqtalady. Búginde Semeıde 103 adamda eshqandaı aýrý belgisi anyqtalmaǵan koronavırýs juqtyrǵandar tirkeldi. Sondaı-aq qaladaǵy kásiporyndarda jappaı juqtyrý jaǵdaıy oryn aldy. Máselen, Semeıdegi teri-venerologıalyq dıspanserde 37, "Qazpolıgraf" - 27, týysqandarymen aralasqan 15 adam juqtyrǵan.
Bas sanıtar dárigerdiń aıtýynsha, atalmysh derttiń kún saıyn ósýine qarapaıym normalar men sanıtarlyq-epıdemıologıalyq talaptardy oryndamaý, qashyqtyqty saqtamaý sebep bolyp otyr. Semeı qalasyndaǵy jaǵdaıǵa baılanysty SHQO bas sanıtar dárigeriniń qaýlysy shyǵady.
Jalpy, oblysta 1512 adammen baılanysta bolǵan 151 oshaq baqylaýda bolady. Onyń ishinde 716 jaqyn baılanys, 796 potensıaldyǵa jatady.
1512 adas anyqtalyp, oqshaýlandy. 26 karantındik stasıonarda, 1486 úıde oqshaýlanýda.
SHQO aqparat ortalyǵy
