Qala ákiminiń ókimi boıynsha Almas Batanov Almatynyń Strategıa jáne búdjet basqarmasynyń basshysy bolyp taǵaıyndaldy.

Almas Batanov 1977 jyldyń 21 qarashasynda týylǵan. 2000 jyly Qazaq memlekettik agrarlyq ýnıversıtetin, al 2004 jyly Almatynyń tehnologıa jáne bıznes ýnıversıtetin, 2010 jyly Nottıngem Ýnıversıtetin támamdaǵan.

Eńbek jolyn 2000 jyly Almaty qalasyndaǵy «Metrologıa» respýblıkalyq memlekettik kásiporynda jetekshi maman bolyp bastaǵan.

2000 jyldan 2009 jyldar aralyǵynda Almaty jáne Nur-Sultan qalalarynda «Qazaq metrologıa ınstıtýty» respýblıkalyq memlekettik kásiporny ortalyǵynda bas maman, basqarma basshysy, ortalyq basshysynyń orynbasary, ortalyq basshysy qyzmettterin atqarǵan.

2013 jyldan 2014 jyldar aralyǵynda QR óńirlik damý Mınıstrliginiń óńirlik monıtorıń jáne baǵalaý departamentiniń dırektory boldy.

2014 jyldan 2016 jyldar aralyǵynda QR Premer-mınıstri orynbasarynyń keńesshisi, QR Ulttyq ekonomıka mınıstrligi Statısıka komıteti tóraǵasynyń orynbasary laýazymdarynda boldy.

2016 jyldan 2019 jyldyń sáýiri aralyǵynda QR Premer-mınıstri keńsesi basshysynyń orynbasary, QR Indýstrıa jáne ınfraqurylymdyq damý mınıstrligi Indýstrıaldy damý jáne ónerkásiptik qaýipsizdik komıtetiniń tóraǵasy, sonymen qatar QR Memlekettik hatshysy hatshylyǵynyń meńgerýshisi qyzmetterin atqarǵan.