QR Bilim jáne ǵylym mınıstri Asqat Aımaǵambetov vedomstvonyń apparat jınalysynda muǵalimderge jalaqy men demalys aqysynyń ýaqytyly tólenýin tekserip, qysqa merzim ishinde tıisti sharalar qoldanýdy tapsyrdy. Bul týraly mınıstrliktiń baspasóz qyzmeti habarlady.

Eńbek demalysyna shyqqan pedagogterdiń 93%-y demalys aqysyn ýaqytyly aldy. Qalǵan 7%-yna ýaqytyly tólemegeni anyqtaldy.

Jumys berýshiler muǵalimderge eńbek demalysynyń tólemin keshiktirgeni nemese tólemegeni úshin zańǵa sáıkes jazalanady dep atap ótti.

– Mınıstrlik muǵalimderdiń shaǵymdaryn qarastyryp, demalys aqysyn tóleý boıynsha jaǵdaıdy baqylaýda ustap otyr. Búdjette jalaqyǵa da, eńbek demalysy aqysyna da qarajat qarastyrylǵan. Iaǵnı aqsha bar, biraq keıbir aımaqtarda tólemniń ýaqtyly jasalmaǵany anyqtaldy, – dedi BǴM baspasóz hatshysy Gaýhar Omarbek.

BǴM mınıstri Asqat Aımaǵambetov bilim jáne ǵylym salasyndaǵy sapany qamtamasyz etý komıtetine eńbekaqyny ýaqytyly tólemeý, onyń ishinde muǵalimderge tólenetin demalys aqysy týraly faktilerdi tıisti shara qoldaný úshin oblystyq memlekettik eńbek ınspeksıalaryna jiberýdi tapsyrdy.

Zańǵa sáıkes mektepter men balabaqshalardaǵy pedagogterge jalaqy tóleý tikeleı aýdannyń nemese qalanyń búdjetinen júzege asyrylady.