Qostanaı ákimi Arhımed Muhambetov oblysta karantın sharalarynyń kúsheıtiletinin habarlady. Bul týraly İnstagram paraqshasynda jazdy.

"Búgin koronavırýstyq ınfeksıanyń taralýyna jol bermeý jónindegi jedel shtab otyrysyn ótkizdim.

Sońǵy kúnderi oblysta koronovırýstyq ınfeksıa boıynsha epıdemıologıalyq jaǵdaıdyń nasharlaýy, sondaı-aq karantın rejımin saqtamaý faktileri bar.

Osyǵan baılanysty jedel shtab 18-30 maýsym aralyǵynda kelesi shekteý sharalaryn engizý jóninde sheshim qabyldady:

1. 19 maýsymda saǵat 00.00 bastap 3 sanıtarlyq beketti ornatý, «Qostanaı-Áýlıekól-Surǵan» jáne «Qostanaı – Rýdnyı», «Arqalyq-Amantoǵaı» avtojoldarynda.
2. Atraksıondar men sýburqaqtardyń, úrlemeli konstrýksıalardyń (batýttar) jumysyna tyıym salý;
3. Karaoke barlardyń, bılárd, boýlıń ortalyqtarynyń, tatý-salondardyń, massaj salondarynyń jumysyna tyıym salý;
4. HQKO-ǵa onlaın rejıminde qyzmet kórsetýge kóshý, onlaın rejıminde júzege asyrý múmkin emes qyzmetterdi jazý boıynsha saǵat 10-00-den 18-00-ge deıin;
5. Sulýlyq salondarynyń, shashtarazdardyń jumysyn tek jazý boıynsha 10-00-den 18-00-ge deıin shekteý;
6. Bilim berý ortalyqtarynyń jumysy, úıirmeler, balalardy damytý ortalyqtary 9-00-den 16-00-ge deıin (toltyrylýy 15 adamnan artyq emes);
7. Ónerkásip tobynyń taýarlaryn ótkizetin obektilerdiń jumysyn 20-00-ge deıin shekteý;
8. Azyq-túliktik jáne azyq-túliktik emes bazarlardyń jumysyn 10-00-den 16-00-ge deıin shekteý;
9. Memlekettik qyzmetshilerdiń 80%-yn «qashyqtyqtan» jumys nysanyna aýystyrý, selektorlyq rejımde jınalystar, keńester, semınarlar, konferensıalar jáne beıne konferensıalar ótkizý.

Sonymen qatar, QR Úkimetiniń tapsyrmasy boıynsha aldaǵy demalys kúnderi epıdemıologıalyq jaǵdaıdy turaqtandyrý maqsatynda 20-21 maýsym aralyǵynda 50 myń adamnan asatyn eldi mekender (Qostanaı jáne Rýdnyı qalalary) úshin qosymsha ýaqytsha shekteýler engiziledi.

Atap aıtqanda:

• Qoǵamdyq oryndardyń, saıabaqtardyń, skverlerdiń, jaǵalaýlardyń, jaǵajaılardyń, akvaparkterdiń jumys isteýi toqtatylady;
• 65 jastan asqan adamdardyń kóshege shyǵýy shekteledi.
  Sondaı-aq, «Bolashaq» balalar lageriniń áleýmettik qorǵalmaǵan sanattaǵy balalardyń bos ýaqytyn uıymdastyrý boıynsha sanıtarlyq sharalardy qatań saqtaı otyryp, jumysyn ruqsat etý týraly sheshim qabyldandy", dep jazdy oblys basshysy.