Qazaqstan-Qytaı shekarasynda kólikter toptalyp qalǵan. Memlekettik kirister komıtetiniń pikirinshe bul kórshi elde pandemıaǵa qarsy kúsheıtilgen sharalardyń nátıjesi.
"Qazirgi ýaqytta Qazaqstan-Qytaı shekarasynda ornalasqan «Nur joly» ótkizý pýnktinde Qazaqstan Respýblıkasynan Qytaıǵa shyǵý úshin avtokólikterdiń toptalýy baıqalýda.
Bul toptalý Qytaı tarapyndaǵy sanıtarlyq sharalardyń kúsheıýine baılanysty. COVID-19 pandemıasyna deıin Qytaı tarapy kúnine 150-ge jýyq avtokólik quraldaryn qabyldady, pandemıa bastalǵannan bastap kúnine 20-ǵa jýyq avtokólik quraly ótkizildi.
Osy máseleni sheshý úshin qazirgi ýaqytta Qytaı tarapymen birqatar kelissóz júrgizildi, sonyń arqasynda Qytaı tarapy búginde kúnine 80-ge jýyq avtokólik quralyn qabyldaıdy.
Budan basqa, Qazaqstan Respýblıkasy Úkimetiniń sheshimimen aǵymdaǵy jylǵy 10 maýsymnan bastap Qazaqstan-Qytaı shekarasynda epıdemıologıalyq jaǵdaıdyń nasharlaýyna baılanysty buryn jabylǵan «Qaljat», «Baqty» jáne «Maıqapshaǵaı» ótkizý pýnktteri ashyldy.
Bul "Nur joly" ótkizý beketinde avtokóliktiń toptalýyn azaıtýǵa múmkindik beredi. "Nur joly" ótkizý pýnktinde Qytaıǵa eksportqa otandyq ónimdi tasymaldaıtyn avtokólik quraldary úshin «jasyl dáliz» qurylǵanyn jáne mundaı kólikti ótkizý kezekten tys júzege asyrylatynyn atap ótý qajet.
Ótkizý pýnktteriniń ótkizý qabiletin arttyrý boıynsha Qytaı tarapymen jumys jalǵasýda. Sonymen qatar, búgingi tańda bos kóliktiń Qytaıǵa kirý jáne tasymaldaý sharttarynyń bolmaýy sebebi boıynsha sondaı-aq keri bos qaıtarý faktileri oryn alýda.
Mundaı ótkizý shekarada kólikterdiń qosymsha toptalýyn quraıdy. Osyǵan baılanysty, kólik kompanıalarynyń nazaryn Qytaıdan júk tasymaldaýǵa taýarlardy jóneltýshilermen nemese alýshylarmen ýaqytyly sharttar jasasý qajettigine aýdaramyz" delingen málimdemede.
Pikir qaldyrý