Almatydaǵy balabaqshalardyń birinde tárbıeshiniń balalardy azaptap jatqan vıdeosy jarıalanyp, jelide rezonans týdyrdy. 

Vıdeoda balalar oryndyqta otyr. Al qarama-qarsy bette tárbıeshi tur. Ol kishkentaı balany qulaǵynan ustap, esik jaqqa alyp ketti. Sodan taǵy bir balany qolynan alyp, qulaǵynan ustap basqa bólmege alyp ketedi. 

Beınekadrda ata-anadan keshirim surap jatqan tárbıeshiniń sózi estilip qalǵan. 

Bolǵan oqıǵaǵa Almatynyń bilim basqarmasy túsinik berdi.

Oqıǵa Klochkov kóshesinde ornalasqan № 7 ıaslı-balabaqshasynda bolǵan.

– Oqıǵanyń mán-jaıyn anyqtaý úshin arnaıy komısıa quryldy. Eger derek dáleldense, jaýapty qyzmetkerler, onyń ishinde, meńgerýshiden bastap barlyǵy zańǵa sáıkes jazalanatyn bolady, – dedi Bilim basqarmasynyń qyzmetkeri Qýandyq Eshimet.