QR Premer-Mınıstri Asqar Mamın koronovırýs ınfeksıacyn dıagnostıkalaý hattamasyna sáıkes, qajetti merzim aıaqtalýyna baılanysty ózin-ózi oqshaýlaý rejıminen shyqty. COVID-19-ǵa jasalǵan aqyrǵy taldaý nátıjesi teris qorytyndy berdi. Bul týraly Premer-Mınıstrdiń keńesshisi, baspasóz hatshysy Sadyq Ákejanovqa habarlady.

Sondaı-aq buǵan deıin ózin-ózi oqshaýlaǵan bilim berý mınıstri Asqat Aımaǵambetov, aýyl sharýashylyǵy mınıstri Saparhan Omarov, ekologıa, geologıa jáne tabıǵı resýrstar mınıstri M. Myrzaǵalıev osyndaı prosedýradan ótti. Barlyǵynan COVID-19-ǵa teris nátıje shyqty.

Osyǵan baılanysty Úkimet basshysy men mınıstrler jumys kestesin shtattyq rejımde jalǵastyrady. Qazirgi ýaqytta Úkimet otyrystary men barlyq keńester selektorlyq rejımde ótýde. Úkimet pen mınıstrlikter úıiniń ǵımarattarynda sanıtarlyq tártip kúsheıtildi, qaýipsizdik sharalary qatańdatyldy, qyzmetkerlerdiń 80%-y qashyqtan jumys isteýge kóshti.