"Talklike" youtube jobasynyń jýrnalısi Aman Tasyǵan koronavırýs ınfeksıasyn juqtyryp, jansaqtaý bóliminde jatqan naýqastarmen kezdesip, suhbattasty.

Dárigerlerdiń aıtýynsha jansaqtaý bóliminde 13 adam jatyr. Al mamandar alty saǵat saıyn aýysyp, naýqastarmen tyǵyz jumys jasaýda.

– Koronavırýstyń baryna basynda senbedim. Ózim "Megostroı-da" jumys isteımin. 200 adam barmyz, eshkim senbegen. Sosyn bizden analız aldy. Meniń test nátıjem – oń shyqty. Ol kezde sımptomdar bolmady. Keıin tamaǵym aýyra bastady, artynan keýdem qysty. Sodan jedel-járdem shaqyryp, juqpaly aýrýlar emhanasyna alyp keldi. Qazirgi ýaqytta emdep jatyr, 4-shi kún emhanadamyn. Jaǵdaıym jaqsaryp keledi. Alǵashqy kúni tura almaı tynysym tartylyp, aýa juta almaıtyn edim. Sol ýaqytta túsindim koronavırýs ekenin, – dedi aýrýhanada em alyp jatqan naýqas.