Almatyda koronavırýs ınfeksıasynyń taralýymen kúres aıasynda sanıtarlyq-epıdemıologıalyq qaýipsizdik sharalarynyń saqtalýyn baqylaý boıynsha monıtorıńtik toptar jumystaryn jalǵastyrýda. 15 –18 maýsym aralyǵyndaǵy monıtorıńtik toptar SHOB-tiń 276 nysanyn tekserdi. 

Bas memlekettik sanıtarlyq dárigerdiń qaýlysyna qaıshy keletin tártip buzýshylyqtar qalanyń ártúrli aýdandarynda ornalasqan birqatar asqana, meıramhana, azyq-túlik dúkenderi, dámhana men kofehanalardan anyqtalǵan.

Sonymen birge tártipbuzýshylar arasynda avtoshınalar jáne dıskter dúkeni,  azyq-túliktik emes dúkender, sulýlyq salondary, shashtarazdar, qonaqúıler jáne samsa, doner, frızerli balmuzdaq satatyn dúńgirshekter, dárihanalar, aıaq kıim jóndeý orny, oqý ortalyǵy, stomatologıalyq ortalyqtar, lombardtar, notarıýs qyzmetteri, abonettik esepteý ortalyǵy da bar.

Epıdemıologtar sanıtarlyq talaptardy saqtaýdyń mańyzdylyǵyn eskertti. Atalǵan nysandarda mynadaı tártip buzýshylyqtar anyqtalǵan:

- áleýmettik qashyqtyq belgileriniń bolmaýy;
- baılanyssyz termometrıanyń saqtalmaýy;
- jeke qorǵaný quraldaryn tıisinshe paıdalanbaý jáne kádege jaratpaý
- esepke alý jýrnalynyń bolmaýy;
- sanıtaızerlerdiń bolmaýy;
- pavılondardyń kireberisterinde dezınfeksıalaý kilemsheleriniń bolmaýy;
- paıdalanylǵan maskalar men qolǵaptar úshin qoqys jáshikteriniń bolmaýy;
- azyq-túlik dúkenderinniń ónimderinde qorǵaý plenkalarynyń bolmaýy.

Sonymen birge júrgizilgen tekserýler nátıjeleri boıynsha anyqtalǵan tártip buzýshylyqtar joıylǵanǵa deıin 22 nysannyń qyzmeti toqtatyldy. 

Almaty qalasy boıynsha barlyǵy 3442 nysan tekserildi. Olardyń ishinde 402 nysannan Almaty qalasynyń Bas memlekettik sanıtar dárigeriniń qaýlysyndaǵy talaptardyń buzylǵany anyqtaldy. Osyǵan baılanysty, eskertýlerdi túzetkenge deıin 303 nysannyń qyzmeti toqtatyldy (olardyń ishinde 284 nysan basshylyqtyń sheshimimen, 19 nysan qaýlylar boıynsha).

Sonymen birge, qoǵamdyq kólikte sanıtarlyq talaptardyń saqtalýyna erekshe kóńil bólinýde. Osy maqsatta 16 maýsymda #102, 48, 19, 115 baǵyttardaǵy qoǵamdyq kólikterge tekserý júrgizildi. Onyń barysynda jolaýshylardyń, sonymen birge júrgizýshiniń de jeke qorǵanys quraldaryn paıdalaný jáne joıýdyń erejelerin durys saqtamaý buzýshylyqtar anyqtaldy. Atalǵan avtoparkterdiń basshylaryna usynys hattar daıyndalady. Epıdemıologtar avtobýs jolaýshylaryna KVI aldyn alý boıynsha túsndirý jumystaryn júrgizdi. 

Eske sala keteıik, Almaty qalasynyń ákimi Baqytjan Saǵyntaevtyń bastamasymen monıtorıńtik toptardyń jumysy jalǵasýda, olardyń quramyna Taýarlar men qyzmetterdiń sapasy men qaýipsizdigi aýdandyq departamentteriniń, kásipkerlik bólimderiniń, "Atameken" aımaqtyq palatasynyń ókilderi, polısıa qyzmetkerleri jáne BAQ ókilderi kiredi.