21 maýsym kúni Qazaqstannyń barlyq óńirinde Ulttyq biryńǵaı testileý bastalady. Almaty qalasynda birinshi legke engen 235 adam emtıhandy Abaı atyndaǵy Qazaq ulttyq pedagogıkalyq ýnıversıtetinde tapsyratyn bolady. Bul týraly qala ákimdiginiń baspasóz qyzmeti habarlady.

Óńirlik komýnıkasıalar qyzmetinen málim etkendeı, UBT ótkizý kezinde barlyq sanıtarlyq-epıdemıologıalyq talaptar saqtalady.

Qalalyq Bilim basqarmasy men Almaty qalasynyń Taýarlar men qyzmetterdiń sapasy men qaýipsizdigin baqylaý departamentiniń COVID-19 ınfeksıasynyń taralý qaýpin azaıtýǵa baılanysty birlesip bekitken josparyna sáıkes, Abaı atyndaǵy QazUPÝ-de test tapsyrýshylarǵa dezınfeksıadan ótý úshin 5 kezeńnen turatyn barlyq jaǵdaılar jasalǵan: - barıkadalyq shekteý lentalary ornatyldy jáne test tapsyrýshylar arasynda kem degende 2 metr qashyqtyqty saqtaý úshin synaqqa qatysýshylar sany eki esege azaıtyldy (50 paıyzǵa).

Ol úshin 15 aýdıtorıa ázirlendi;

• teplovızorlar;
• bakterısıdti lampalar jáne árbir aýdıtorıaǵa aýa resırkýlátory;
• test tapsyrýshylar úshin qarapaıym maskalar;
• dezınfeksıalaý túneli;
• jedel járdem kóligi;
• denzınfeksıalyq tósenishter;
• qoldanylǵan maskalardy joıý úshin jáshikter;
• sanıtaızerler;
• medpýnktte maskalar men salfetkalar qory;
• memlekettik komısıa músheleri úshin maskalar;
• barlyq aýdıtorıada beınebaqylaý kameralary ornatylǵan.

Test ótkiziletin kúnderi TQSQBD qyzmetkerleri UBT ótkizý pýnktteriniń sanıtarlyq- pıdemıologıalyq jaǵdaıyn baqylaıtyn bolady.

Eske sala keteıik, Almatyda barlyǵy 14 972 adam test tapsyrady dep josparlanýda. Sonyń ishinde 9 047-si (97%) bıylǵy jyldyń túlekteri bolsa, 5 925-i ótken jyldardyń jáne kolejderdiń túlekteri.

Eske salaıyq, buǵan deıin Ulttyq testileý ortalyǵynyń dırektory Dıdar Smaǵulov Ulttyq biryńǵaı test ótkizýge daıyndyq barysyndaǵy kemshilikter týraly aıtqan bolatyn.

Bıylǵy UBT-ǵa 4-toqsandaǵy oqý baǵdarlamasy engizilmeıdi. Koronavırýske shaldyqqan synaq tapsyrýshylar úshin qosymsha aýdıtorıalar daıyndaldy. Sondaı-aq túlekter UBT-ny qaı kúni jáne qaıda tapsyratynyn Ulttyq testileý ortalyǵynyń saıtynan jáne arnaıy messendjerden bile alatyny habarlandy.