Erteń, 21 maýsym kúni Abaı atyndaǵy Qazaq ulttyq pedagogıkalyq ýnıversıtetiniń negizinde UBT tapsyrýdyń birinshi legi ótedi. 235 adam test tapsyrady. Bul týraly qala ákimdiginiń baspasóz qyzmeti habarlady.

Oqýshylar men tárbıelenýshilerliń ómiri men densaýlyǵyn saqtaý maqsatynda, sonymen birge COVID-19 koronavırýs ınfeksıasynyń taralýynyń aldyn alý úshin bekitilgen algorıtmge sáıkes, UBT ótkizý kezinde barlyq sanıtarlyq-epıdemıologıalyq talaptar saqtalady.

Qalalyq Bilim basqarmasy men Almaty qalasynyń Taýarlar men qyzmetterdiń sapasy men qaýipsizdigin baqylaý departamentiniń COVID-19 koronavırýs ınfeksıasynyń taralý qaýpin azaıtýǵa baılanysty birlesip bekitken josparyna sáıkes, Abaı atyndaǵy QazUPÝ-de test tapsyrýshylarǵa dezınfeksıadan ótý úshin 5 kezeńnen turatyn barlyq jaǵdaılar jasalǵan:

- Barıkadalyq shekteý lentalary ornatylǵan jáne test tapsyrýshylar arasynda kem degende eki metr qashyqtyq saqtaý úshin synaqqa qatysýshylar sany eki ese az bolmaq, ol úshin 15 aýdıtorıa ázirlengen;
- Teplovızorlar;
- Bakterısıdti lampalar jáne árbir aýdıtorıaǵa aýa resırkýlátory;
- Test tapsyrýshylar úshin qarapaıym maskalar;
- Dezınfeksıalaý týneli;
- Jedel medısına kóligi;
- Denzınfeksıalyq kilemsheler;
- Qoldanylǵan maskalardy joıý úshin jáshikter;
- Sanıtaızerler;
- Medpýnktte maskalar men salfetkalar qory;
- Memlekettik komısııa músheleri úshin maskalar.

Sonymen birge, barlyq aýdıtorıalarda beınebaqylaý kameralary ornatylǵan.

Test ótkiziletin kúnderi TQSQBD qyzmetkerleri UBT ótkizý pýnktteriniń sanıtarlyq- epıdemıologıalyq jaǵdaıyn baqylaıtyn bolady.

Eske sala keteıik, Almatyda barlyǵy 14 972 adam test tapsyrady dep josparlanýda, sonyń ishinde 9047-si(97%) bıylǵy jyldyń túlekteri bolsa, 5925-i ótken jyldardyń jáne kolejderdiń túlekteri.