Túrkistan qalasynyń ákimi Rashıd Aıýpov koronavırýs ınfeksıasyn juqtyrdy. Bul týraly  Facebook paraqshasynda jazdy.

– Osydan birneshe kún buryn densaýlyǵym syr berip, dárigerler kómegine júgingen edim. Aldyńǵy kúni tapsyrǵan PTR analızi oń nátıje kórsetip, Covid-19 indetine shaldyqqanymdy rastap otyr. Jumys barysymen, kúndelikti adam sany kóp jerlerde bolýǵa májbúrmiz. Qansha saqtyq sharalaryn oryndasaq ta, bul indet shet aınalyp ótpedi. Naqty kimnen, qashan juqqanyn anyqtaý jumystary da júrgizilýde, – dedi ákim.
⠀
Osylaısha ol qazirgi ýaqytta úıde oqshaýlanyp, jumysty qashyqtan jasap jatqanyn atap ótti.

– Qala ákimdigi jumysy ýaqytsha orynbasarym Musaev Tájibek Qalmanulyna júkteldi. Ákimdik ǵımaratynda zalalsyzdandyrý jumystary júrgizilip, qyzmetkerler de analız tapsyratyn bolady. Bul kúnder de kóp uzamaı ótip keterine senemin. Amandyqta júzdesý buıyrsyn! Denderimiz saý, jaqyndarymyz aman bolsyn!, – dedi Rashıd Aıýpov.