Májilis jýrnalıserge arnalǵan «Parlament sózi» syılyǵynyń qorytyndysyn jarıalap, arnaýly atalymdar boıynsha jeńimpazdaryn anyqtady.

Quramynda Májilis depýtattary, kórnekti qoǵam qaıratkerleri, partıa ókilderi kiretin Komısıa sheshimi boıynsha osy jyly jeńimpazdar jeti atalym boıynsha saıysqa tústi.

Májilis Tóraǵasy Nurlan Nyǵmatýlın «Parlament sózi», syılyǵynyń jeńimpazdaryna, sondaı-aq, barsha buqaralyq aqparat ókilderine kásibı merekege oraı quttyqtaý lebizin jetkizdi.

Osy rette, Nurlan Nyǵmatýlın jýrnalıser men depýtattyq korpýstyń birlesken nátıjeli jumysyna basa nazar aýdara kelip, zań shyǵarý jumysyna belsene qatysqan tilshiler qaýymynyń eńbegine toqtaldy.

«Parlamenttik jýrnalısıkany damytýǵa qosqan úlesi úshin» atalymy boıynsha «Qazaqstan dauiri» bas dırektory Sáýle Meshitbaeva jáne «Karavan» gazetiniń bas redaktory Igor Shahnovıchke berilse, «Úzdik televızıalyq sújet úshin» nomınasıasyn «Habar» telearnasynyń tilshisi Indıra Jylqaıdarova jáne  «Eýrazıa» birinshi arnasynyń» tilshisi Svetlana Penkova jeńip aldy.

Al, «Úzdik baspa jarıalanymy úshin» nomınasıasyn «Egemen Qazaqstan» gazetiniń tilshisi Temir Qusaınov pen «Lıter» gazetiniń ujymy ıelendi.

«Úzdik ınternet jáne radıo materıaly» nomınasıasyn «Abai.kz» aqparattyq portaly jáne Serik Sabekov («Kazinform») ıelendi.

«Parlament sózi» syılyǵynyń «Arnaıy reportaj» nomınasıasyn «Qazaq radıolary» jáne «Habar 24» telearnasynyń korespondenti Mark Brúshko jeńip aldy.

«Úzdik beıne – sýret materıaly úshin» nomınasıasyn «Nur Media» fototilshisi Sovetbek Maǵzýmov jáne «Habar» telearnasynyń bas operatory Edil Ermekbaev ıelendi.

Sondaı-aq, bıyl áleýmettik jelidegi úzdekter anyqtaldy. Olar  «Áleýmettik    jelidegi úzdik materıal úshin» nomınasıasyn alǵash ret jýrnalıs-bloger Órken Kenjebek jáne YEDILOV ONLINE Telegram-kanalynyń avtory Erbol Edilov ıelendi.

Sonymen qatar, Májilis Tóraǵasy Nurlan Nyǵmatýlınniń bastamasymen bıylǵy jyly «Parlament sózi» arnaıy syılyǵy» nomınasıasy jýyq arada ǵana dúnıeden ótken belgili qazaqstandyq jýrnalıs Beısen Quranbekke berildi.

Májilis Tóraǵasynynyń aıtýynsha, Beısen Quranbekteı otandyq televızıanyń damýyna zor úles qosqan, bilimdi, tájirıbeli azamattyń eńbegi halyqtyń qoshemetine laıyq.

Aıta ketý kerek, 2016 jyldan bastap jyl saıyn ótkiziletin syılyq qorytyndysyn shyǵarý elimizde oryn alǵan koronavırýs indetine baılanysty bıylǵy jyly birqatar ózgeristerge ushyrady.

Májilis «Parlament sózi» syılyǵynyń ıegerlerin Májilis sımvolıkasy beınelengen músinshelermen jáne arnaıy dıplomdarmen marapattaýdy Parlamenttiń kúzgi sesıasynda ótkizedi dep josparlaýda.