Mańǵystaýlyq azamattar «Halyq alǵysy» medalimen marapattaldy.

Bilim berý, densaýlyq saqtaý, áleýmettik qorǵaý salalarynda jemisti eńbek etip júrgen pandemıamen kúreste erekshe úles qosqan azamattar Qazaqstan Respýblıkasy Prezıdentiniń 2020 jylǵy 19 maýsymdaǵy jarlyǵy boıynsha «Halyq alǵysy» merekelik medalimen marapattaldy. TJ men karantın kezinde qaýipti indetpen kúreste eńbegimen elengen mańǵystaýlyq 7 azamatqa oblys ákimi  Serikbaı Trumov ”Biz birgemiz” onlaın forýmynda osy marapatty tabystady.

Olardyń qatarynda belgili jýrnalıs «Habar» telearnasynyń Mańǵystaý oblysy boıynsha tilshisi, «Qoǵamdyq komýnıkasıa ortalyǵynyń» dırektory  Ábisheva Gúlmıra Aıtkenqyzy, №1 arnaýly áleýmettik qyzmetter kórsetý ortalyǵy meıirbıkesi Tórebaeva Aǵımash Aýǵanqyzy, Medısına qyzmetkeri «SofieMedGroup» kópsalaly  klınıkasy  JSHS dırektory Muhametov Aımet Polatuly, Jańaózen qalalyq polısıa basqarmasynyń ıspektory Baýenov Serik Aıtbaıuly, Jańaózen qalalyq polısıa basqarmasynyń ıspektory Amanbaev Shoqan Maratuly, Komýnaldyq qyzmetker «Kaspıı jylý, sý arnasy» MKK jylý, sýmen qamtý ýchaskesinde apat jumystaryn qalpyna keltirý slesary Tájibaev Ǵalymjan Jambyluly jáne Mádenıet qyzmetkeri Saparova Zlıha Tenelbaıqyzy bar.

Aıta keteıik aldaǵy ýaqytta dál osyndaı medalmen 109 mańǵystaýlyq marapattalatyn bolady.