Halyq koronavırýs joq degen jalǵan sózge senedi. 

Bıylǵy jyldyń naýryz aıynda koronavırýs indeti jetip, tarala bastaýyna baılanysty elimizde der kezinde tótenshe jaǵdaı jarıalandy. Shekteý sharalary engizildi. Alaıda shekteýlerdiń báseńdetilip nemese alynyp tastalýymen turǵyndar erkinsip, toı-sadaqaǵa, teńiz jaǵalaýyna toptalyp barýy qaıta qalypqa tústi.

Eń soraqysy, kózge kórinbeıtin bolǵan soń bul aýrý mende joq degen jalǵan sezimge boı aldyrdy azamattar. Qazir bir-birimizge juqtyrý prosesi óte tez júrýde, deıdi Aılarbek Shyrshyqbaev.

- Jaǵdaı qazir qıyn. Qyzýlaǵandar, aýa jetpeıtin sezim paıda bolǵandar, aýyrǵandar óte kóbeıip ketti. Sondyqtan, halyqqa aıtarymyz - múmkindiginshe jeke basyńyzdyń saqtyǵyn oılastyryńyzdar. Kópshilik jerge barmańyzdar. Qoldaryńyzdy jıi jýyńyzdar. Betperdeni únemi kıip júrińizder. «Aýyryp em izdegenshe, aýyrmaýdyń jolyn izdeńizder, - deıdi ol.

Brıfıń sońynda qazirgi ýaqytta qoldanysta júrgen 48 jedel-járdem kóligine qosymsha taǵy 52 mashınany tamyz aıynda deıin lızıńke satyp alý josparlanyp otyrǵany aıtyldy. Budan soń Mańǵystaýda jedel-járdem kóliginiń tapshylyǵy joıylýy tıis.